Rót af Garðabrúðu !!

"... Garðabrúða er mikið notuð við allri streitu , sérstaklega þykir hún góð við meltingasjúkdómum af völdum streitu. ... Rótin er notuð við ákveðnum tegundum svefnleysis, einkum fersk, og einnig með öðrum jurtum til að vinna gegn háum blóðþrýstingi. ... Vegna róandi efna í feskri rótinni er líklegt að hún hafi áhrif á starfsgetu og samhæfingu svo að óráðlegt er að aka bifreið eftir inntöku hennar."

beit úr... " Íslenskar lækningajurtir " Arnbjörg L. Jóhannsdóttir.

Er þá enn hægt að efast um virkni jurta?


mbl.is Ólögleg lyf í fæðubótarefnum
Tilkynna um óviðeigandi tengingu við frétt

Forsetinn stendur sig eins og hetja.

Mikill léttir var eftir að úrslit atkvæðagreiðslunnar voru ljós í nótt.

Forsetinn er sá sem staðið hefur í fæturna í þessu máli og á heiður skilið.

Undarlegt er að óttast þá leið , að fá úrskurð fyrir réttum dómstólum.

Þessi hryllilega vika í október 2008, einkenndist af fálmkenndum viðbrögðum og ótta, eðlilega.

Gordon Brown, setur hryðjuverkalög á Ísland í óttakasti með hryllilegum afleiðingum og eykur enn á  tilfinningalegt áfall okkar.

Og svo ætlum við bara að borga... þeigjandi og hjóðalaust ellegar hafa verra af....

Hótanir falla undir skilgreiningu um ofbeldi. Sá sem er beittur því, á skiyrðislausan rétt á því að fá dæmda uppreisn æru.

Brown þarf ekki að óttast lengur... fyrir hönd sinnar þjóðar - Þeir fá greitt.

Ætti hann ekki að biðjast afsökunar opinberlega, svona þegar þetta er ljóst.

Mjög nauðsynlegt er almenningi alheims, að fá skýrar línur í því, hvort þeir eigi það almennt á hættu að skattpeningar hans verði nýttir til þess að greiða út fjárfesta með ríkisábyrgð.

Almenningur vill það auðvitað ekki og því þurfa ríkisstjórnir heimsins að gangast í málið... en þær eru svo víða tengdar inn í viðskiptalífið 100% böndum.

Lýðræðið er okkar stærsta gjöf.

Icesave málið hefur lýst upp myrkviði fjármálakerfisins á veraldarvísu. En það hefði ekki orðið nema fyrir kjark forsetans til þess að nýta málskotsréttinn, sem er afar dýrmætur og sýnir framsýni þeirra sem að stjórnarsrárgerð komu á sínum tíma.

Mín ósk væri sú, að þessi niðurstaða leiddi til þess að almenningur víðar í löndum risi enn frekar upp gegn spillingu og lýðræðið fengi að blómstra sem aldrei fyrr.

 

 

 


mbl.is Niðurstaðan má ekki sundra
Tilkynna um óviðeigandi tengingu við frétt

Össur, hefur þú brugðist íbúum Íslands?

Viltu verða þátttakandi í vopnabraski? Þú ferð stórum. Væri ekki nær að þú talaðir fjálglega máli þinnar eigin þjóðar á alþjóðavettvangi. Þjóðar, sem liggur í valnum eftir efnahagslega árás. Hvernig væri að horfast í augu við þá staðreynd? Ég er asi hrædd um að þú hafir rekið höfuðið illilega í borðshorn í Brussel og farið að sjá störnur.

Í stað þess að lýsa yfir raunverulegum áhyggjum af ástandi mála hér heima, doðanum, fátæktinni og úrræðaleysi fólksins í eigin landi, þá vitnar þú í undarlega könnun ESB (sem enginn hefur heyrt af) í viðtali á Bylgjunni í gær. Þar ferðu einnig stórum um það hve miklu betur börnum líður hér eftir hrunið.....!!!! Veistu, maður á bara ekki orð. Gleymdist að tala við atvinnulausa, öryrkja, einstæða foreldra og láglaunafólk í þessari könnun? Sennilega hefur bara verið talað við þá sem vinna hjá skilanefndunum og örfáa ágætlega launaða embættismenn.

Maður veltir því fyrir sér eftir viðtalið hvort ekki sé nú bara ráð að skella á annarri kreppu, svona til að bæta líðan barna í landinu og setja smá trukk í sköpunarkraftinn. (sem notabene þrífst líka ágætlega á góðum tímum - bara svona svo því sé haldið til haga).

Það má líka segja, að sköpunarkraftur þinn sé mikill hvað varðar það að draga athygli frá því að hér býr stór hópur fólks við aðstæður og kjör sem er til skammar. Örbirgð, úrræðaleysi og vonleysi.

Stattu þig og farðu í heimsók til hinna % , sem ekki eru á lista yfir þá ánægðu.... og gáðu hvað þér finnst.

Með mikilli virðingu fyrir íbúum Lýbíu, sannarlega - það er ekki málið.

http://www.sovereignindependent.com/?p=15161

Sjá grein um Rotschild & Sons plús vini.

Ég er að mörgu leyti sammála sagnfræðingnum ágæta sem tjáði sig í gærkvöldi. (Hvert stefnir Ísland). - Við eigum nefninlega bara að vera hér í friði og halda okkur til hlés. - Það er málið. Og byrum hér heima. Af nógu er að taka.

 


mbl.is Höfum brugðist íbúum Líbíu
Tilkynna um óviðeigandi tengingu við frétt

Aðgerðaráætlun ríkisstjórnarinnar í atvinnumálum er þá ekki til.

Það hef ég nú fengið staðfest hjá forsætisráðuneytinu í dag.

Þó er þetta til:

 "Þá eru með stefnunni settar fram 30 aðgerðir og verkefni sem ætlað er að vera fyrstu skref í átt að Íslandi 2020. Eitt veigamesta verkefnið er fjárfestingaráætlun um þróun innviða, atvinnumála, mannauðs og samfélags. Gerð hennar kallar á einföldun, sameiningu og samþættingu allra helstu stefnumarkandi áætlana hins opinbera og mörkun fjárlagaramma til lengri tíma. Þau meginstef sem fram koma í stefnumörkuninni sem hér er sett fram voru sameiginleg hjá þorra þeirra sem komu að stefnumótun og þjóðfundum á vegum sóknaráætlunar fyrir Ísland."

 úr skjalinu "Ísland 2020 - sókn fyrir atvinnulíf og samfélag." af vef Forsætisráðuneytisins.

Fjárfestingaáætlunin hefur ekki gengið eftir.  / Hverjar eru þessar 30 aðgerðir?

Merkilegt finnst mér einnig að undir tenglinum "verkefnum sem er lokið" á vefsíðunni má sjá "Endurreisn efnahagslífsins"

Enurreisn efnahagslífsins er þá lokið ásamt "rústabjörgun", eins og Jóhanna Sigurðardóttir sagði í grein er birt var í Fréttablaðinu 19.febr. sl. (og á vef ráðuneytisins).

Jæja gott og vel.

Mikið vildi ég samt að ekki væri svona erfitt að finna út úr því, hvað raunverulega væri að gerast í atvinnumálunum, stærsta velferðarmálinu.

Hvað er svo í pípunum eftir að ef... þessi 2.000 störf verða til ásamt þeim 900 sem Velferðarráðuneytið slettir inn í sumar ?

Í sömu grein (og vitnað er í hér að ofan segir:

"Við verðum að skapa 10 til 15 þúsund ný störf á næstu árum. Við verðum að útrýma langtímaatvinnuleysi og tryggja atvinnuleitendum virkniúrræði sem skila árangri. Við verðum að byggja hér upp spennandi atvinnulíf og menntunarmöguleika þannig að okkar unga fólk geri Ísland að heimavelli sínum til framtíðar. Ríkisstjórnin ætlar sér að ná árangri í þessum efnum og hefur m.a. sett af stað víðtækt samráð við aðila vinnumarkaðarins, alla þingflokka og fleiri öfluga aðila um markvissar aðgerðir til að svo megi verða. Ég heiti á okkur öll að leggjast nú saman á árarnar í þessum efnum."

Á meðan hið " vítæka samráð" stendur yfir bíða þeir sem ekkert hafa og bíða.....

Nóg af yfirlýsingum og fagurgala. Tími aðgerðanna skal hefjast, að öðrum kosti er ég hrædd um vaðmálstíska verði óumflýjanleg ásamt því að stefnuyfirlýsingar og rannsóknarskýrslur verði étnar í kvöldmat. - Þjóðin hefur áður lagt sér bókfell til munns.-

 

 

 

s


"Geta atvinnulífsins til að standa við kjarasamninga er háð umsvifum í atvinnulífinu."

Svo hárrétt. Atvinnulífið er undirstaða alls, velferðar fólksins og ríkisfjármálanna. Seinagangurinn hjá ríkisstjórninni er óafakanlegur. Bak við hverja sérstaka tölu atvinnuleysis er mannlegur harmleikur.

Atvinnuleysisvofuna þarf að hrekja á brott en hún breiðir sig nú kokhraust  yfir landið. Fátækragildruna þarf að fjarlægja af tröppum þeirra heimila, þar sem henni hefur nú verið haganlega komið fyrir.

Ríkisstjórn sem kennir sig við "VELFERÐ" stendur ekki undir nafni öðruvísi en að skapa skilyrði til atvinnuuppbyggingar.

Án atvinnu er hvorki jöfnuður né velferð.


mbl.is Ræddu atvinnumál við stjórnina
Tilkynna um óviðeigandi tengingu við frétt

Þá vantar 11.772 störf til viðbótar.

Gott er ef þessi 2.000 störf verða að veruleika. Hafa skal í huga ... "ef sátt næst um fjármögnun." Svo það er enn "ef" í spilinu. Ég er fegin að heyra að Jóhanna sé bjartsýn en ég hef þó aldrei verið svartsýnni sjálf (sl. 51 ár).

Störfin sem nú er boðið upp á eru karlastörf og gangrýni ég það ekki, utan að sama slumma mætti koma á móti í kvennastörfum.

Velferðarráðuneytið hefur boðað að það muni ráða í opinberar stofnanir í sumar á móti atvinnuleysisbótum, sem er vel.

Áfram með smjörið, betur má ef duga skal og þannig helst að atvinnulífið fari að blómstra af eigin rammleik.

Ef rýnt er vel í atvinnuleysistölur, sem vel eru framsettar á vef Vinnumálastofnunar má m.a. sjá, að í % talið er atvinnuleysi (þar með talið langtímaatvinnuleysi) næst minnst á Vestfjörðum á landsvísu. Þó hefur Jóhanna sérstakar áhyggjur af Vestfjörðum, en ég óska auðvitað Vestfirðingum til hamingju með áhyggjur hennar af þeim.

Suðurnes og Höfuðborarsvæðið eru hæst á lista hvað atvinnuleysi varðar sem aldrei fyrr og þar er langtímaatvinnuleysi að aukast mikið.

Stjórnarsáttmáli núverandi ríkisstjórnar frá því 2009 er vissulega fullur góðra fyrirheita hvað atvinnumálin varðar. (Hef nýverið lesið hann yfir). -

Langar mig nú að vita hvort til sé aðgerðaráætlun í atvinnumálum í samræmi við hann. 

 


mbl.is Boðar 2.200 ársverk
Tilkynna um óviðeigandi tengingu við frétt

Ofviðrið í Borgarleikhúsinu; Ein sú mest hrífandi leiksýning sem ég hef séð í háa herrans tíð.

Fyrir stútfullu húsi, brilleruðu leikarar í enn einni snilldar Shakespere uppfærslunni á fjölum Borgarleikhússins.

Ég elska Shakepeare og þessi uppfærsla fannst mér hafa allt til að bera sem gleðja mætti áhorfandann.

Mögnuð tónlist, fagur notkun ljósa, litríkir búningar, fullkomin sviðsmynd. tæknin nýtt á fallegan hátt án þess að vera yfirdrifin. Allt þetta umfaðmaði hinn ávallt hrífandi texta snillingsins Shakespeare. Leikhópurinn fannst mér vinna af einingu og gleði með margs kyns kjöti á beinunum í persónusköpun sinni. Hlýleg nærvera Ingvars Sigurðssonar á sviðinu í hlutverki Prosperós fannst mér gefa hina mannlegu vídd á málið.

Shakespeare er ekki fyrir sémerktur fyrir "gáfufólk", ... kannski er hann bara hreinn comedian... ...með dálítið svartan húmor. Fáir komast með tærnar þar sem hann hefur hælana hvað varðar þá snilld að fletta mannskepnuna fötum, þar sem hún getur horft á sjálfa sig í allri sinni dýrð. Hefnd, ástir, harmur, niðurlæging.... fyrirgefning. Allt þetta fléttar leikskáldið saman svo úr getur orðið "leikhúsveisla" og skemmtun, sem ekki er verra.

Ég sá Lé Konung í Þjóðleikhúsinu líka og þótt texti Shakepseare standi ávallt fyrir sínu, þá fannst mér sem leikhúsgesti mjög miður að mestan hluta sýningarinnar var sviðið algerlega hrátt, þar sem sjá mátti í rafmangskassa ofl. í bakgrunninn. Einnig voru búningarnir verulega misheppnaðir þar, þeir gerðu ekkert fyrir augað voru litlausir og dull.

Ég þekki marga sem voru á sýningunni í gærkvöldi og sumir voru með hrifings- gæsahúð allan tímann.

Ég þakka Borgarleikhúsinu fyrir ógleymanlega kvöldstund (og eiginlega langar aftur).

 

 


Þúsundir íslendinga með sín mál hjá Umboðsmanni skuldara.!!!!

Og geta samt ekki framfleytt sér af atvinnuleysisbótum.

Ég skora á fjölmiðla að taka málið upp og veita stjórnvöldum stöðugt aðhald. Það er ákkúrat þessa mánuðina sem kreppan er að skella á almenning með sem stærstum þunga.

Æ tíðar er að menn opni sín mál opinberlega með bréfaskriftum og bloggi. Sjá í dag Lísa Björk hér á mbl blogginu.

Ástandið er skelfilegra en nokkur þorir að horfast í augu við og er ALMENNT en ekki sértækt. Það þarf að bæta ástandið NÚNA...

Stjórnvöld, þessum vanda er ekki hægt að sópa undir borðið og afvegaleiða fólk með umræðu um önnur mál.

SÚ SKELFING SEM ALMENNINGUR UPPLIFIR DAGLEGA ER STAÐREYND SEM STJÓRNVÖLDUM BER SKYLDA TIL AÐ HORFAST Í AUGU VIÐ OG HVAÐ EKKI SÍST RÆÐA OPINBERLEGA.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband