Mikið var. En hvað svo?

Ljóst er að fjöldi einstaklinga er undir þessum viðmiðunarmörkum.

Atvinnulausir í desember 2010 skv. vef Vinnumálastofnunar voru 12.745 að meðaltali.

Atvinnulaus einstaklingur fær í ráðstöfunartekjur,  fullar bætur uþb. kr.120.000-

Það vantar þá um 170.000 kr. upp á!!!

Hvernig á að leysa þennan vanda? -

"Ekki er tekið mið af neysluviðmiði í kjarasamningum í Noregi", segir Guðbjartur ... svona eins og til að lækka væntingar. Ein hvers staðar minnir líka að ég hafi heyrt hann segja, að bætur verði ekki hækkaðar.

En til hvers er þá neysluviðmiðið?

Annað hvort verður að vera næg vinna, eða bætur nægar  til framfærslu. Ef ekki, hvað þá?

Fólk vill vinna. Það er málið, og hafa laun sem duga til framfærslu. Þetta er nú varla flóknara en það.

Flestir vita hvað þeir þurfa til að eiga í sig og á. Vart þarf nú reiknivél sérstaka til þess, eins og Velferðarráðuneytið setur á sinn vef, í tilefni af því að neysluviðmiðin hafa verið útgefin.

Það er eiginlega í sjálfu sér fáránlegt að hafa atvinnuelysisbætur svo langt undir neysluviðmiði, þegar atvinnuleysið er svona mikið. Auðvitað átt að taka á því þegar í stað, í ársbyrjun 2009 að lágmarki.

En nú er þetta komið og vonanadi leiðir það til betri vegar.

Viðmið einstaklings 292 þús

Athugasemdir

[Vendetta, 7.2.2011 kl. 20:18]

Fyrst það var til peningur fyrir IceSave og nú þegar neyzluviðmið hafa verið uppfærð, þá ætlast ég til að Guðbjartur Hannesson, helferðarráðherra, láti hækka örorkubæturnar allhressilega. Eða segi af sér ella.

[Sigrún Vala Valgeirsdóttir, 7.2.2011 kl. 23:03]

Skilst að þeir ætli að taka sér árið til að endurskoða almannatryggingakerfið með tilliti til þessa. Það nær auðvitað ekki nokkurri átt að fólk geti ekki framfleitt sér. Hitt er annað, gæti maður treyst því að næsti ráðherra tæki upp töfrasprota? Sjáum hvað setur, vonandi horfa hlutirnir til betri vegar.

[Ólafur Ingi Hrólfsson, 8.2.2011 kl. 04:27]

Hvar er þetta - hvar er hitt ?

Á sama stað og skjaldborgin og gegnsæu vinnubrögðin.

[Vendetta, 8.2.2011 kl. 12:27]

Nú er komið fram að í staðinn fyrir að hækka bætur og laun, þá vill drullusokkurinn Guðbjartur Hannesson, að fólk minnki við sig neyzluna. Borði vatnsgraut annan hvern dag í staðinn fyrir á hverjum degi. Svona viðhorf er  alveg dæmigert fyrir svona helvítis hyski eins og hann sem alltaf hafa fengið allt upp í hendurnar. En hvað skipta þjáningar fólks Guðbjart máli? Hann hefur allt sitt á þurru, fær rífleg laun og alls kyns fríðindi í boði spillts stjórnmálakerfis og ríkisstjórnar sem hefur það að tómstundaiðju að troða lítilmagnann ofan í svaðið.

[Sigrún Vala Valgeirsdóttir, 8.2.2011 kl. 15:12]

Já Ólafur það bólar lítið á skjaldborginni og ekki er nú gegnsæið alltaf eins og það ætti að vera. Ég er sammála því.

En Vendetta, má ég biðja þig um að nota orð eins og "drullusokkur" og "helvítis hyski" ekki í athugasemdum hjá mér. Mér finnst það ekki hluti af því sem við viljum kalla málefnalega umræðu. Löngu nóg komið af slíku sem leiðir okkur ekkert áfram.

Svo það sé alveg á hreinu, þá er ég ekki í neinu flokksliði heldur hef skoðanir á málefnum hreint og klárt.

Í þessu tilviki þá segist núverandi velferðarráðherra ætla að ljúka þessari vinnu á árinu. Hann ræddi einnig um að við þyrftu að athuga hvar á að taka peninginn... og mælits fannst mér til þess að sá aur yrði tekinn frá þeim sem meira hafa. Skattar... eða hvað? Kannski verður settur "öryrkjaskattur" á útgerðina... , hækkað tryggingagjald á fyrirtæki (sem þó flest rétt draga fram lífið)... þetta kemur í ljós.

En nú læt ég þessari umræðu lokið, nema málefnaleg sé.

Kveðjur. Sigrún.

[Vendetta, 8.2.2011 kl. 18:09]

En burtséð frá orðum sem byrja á d og h, ertu þá sammála athugasemdunum sem ég hef skrifað?

[Sigrún Vala Valgeirsdóttir, 8.2.2011 kl. 19:24]

Veistu, ég var að kíkja yfir bloggsíðuna þína og brá dálítið í brún. Mér finnst reyndar alveg út í hött að vera að ræða hér við "grímu" með "leyninafn."  Það er mikill ókostur og rýrir gildi umræðunnar að geta ekki komið fram undir eigin nafni og í sinni eigin mynd. (mjög ógegnsætt) - Bakvið grímuna er svo hægt að birta hjá sér myndefni sem er amk. ekki fyrir minn smekk.

Illa farið með frelsið þar.

En alla vega ætla ég að ritskoða mína eigin síðu hér og bið um frið frá þessu bulli.

Gangi þér allt í haginn, Mr. Vendetta... og vonandi þoriðu að sjást og minnka  svolítið öfgarnar, það væri til mikilla bóta.

Annars- ekki fleiri athugasemdir og vona að þú takir tillit til þess.

KV. S.