Tökum Villa í sátt. - semjum frið.

Það er óþarfi að taka borgarstjóra af lífi, þrátt fyrir ákveðin mistök. Þegar ofsóknirnar fara að verða of grimmilegar missa þær marks. Það er líka ósmekklegt að horfa á andstæðingana baða sig of lengi í vinsældarljósi vegna sinna sterku viðbragða við gerðum annarra.

Við sem erum friðelskandi fólk og sannanlega á móti óeirðum og stríði hvers konar, verðum þá að sýna það sjálf að við séum manneskjur til að leysa málin friðsamlega.

HUGSUM OKKUR FRIÐ! 

 

Athugasemdir

[Guðmundur Óli Scheving (IP-tala skráð) 9.10.2007 kl. 20:44]

Ertu ekki að grínast. Nei þessi Villi á að sýna svona fólki eins og þér hollustu og segja af sér. Hann ræður ekki að við það að vera Borgarstjóri.

[Sigrún Vala Valgeirsdóttir, 10.10.2007 kl. 11:52]

Sælir herramenn, með þökk fyrir innslagið. Mér finnst, sem óbreyttum borgara alltaf jafn sorglegt að sjá fólk tekið af lífi... pólitísku eða bókstaflega eins og gerist í grimmum og blóðugum stríðsátökum. "Aldrei skal ég taka þennan lygahund í sátt"... er píulítið eins og ... aldrei skulu þessir X,Y,Z ...múslimar, kristnir menn, Írakar, Azebajanar , eða hver sem er fá að ráða neinu hjá mér... spengjum þá í loft upp. Það er eins og manneskjan þurfi alltaf að hafa óvin, til að finna tilgang í lífinu. og nú er það Villi, þvílikur léttir að hafa fundið einhvern...

Mér finnst nú þessi "Klúðurslisti", ekkert spes og er viss um að það væri hægt að lista upp sambærileg klúður fyrir hvern og einn sem hefur komið nálægt stjórnmálum, þeim blóðuga baráttuvelli.

Við hljótum sem siðprúð og hugsandi þjóð að geta haft lágmarks siðferðishugsun að leiðarljósi í því sem við framkvæmum og hugsum. Okkur virðist vanta siðferðisramma til að fara eftir í þessum stóru viðskiptum sem verða æ algengari og mér finnst lásý að stilla Vilhjálmi upp núna sem einhliða blóraböggli. Það voru fleiri sem komu að málinu og tel að þeir ættu allir að deila ábyrgð.

Það getur vel verið að borgarstjóri vor hafi ekki verið sér meðvitaður um að hann vinnur í gagnsærra kerfi núna, í þessu embætti heldur en hann hefur gert alla sína hunds og kattartíð. En hann veit það væntanlega núna.

Þetta nýja samfélagsmynstur sem er að bresta á hjá okkur, kemur aftan að okkur öllum. Við vöknum upp við vondan draum í bakaríinu og stórtækir busniessmenn kaupa og ræna án þess að við fáum rönd við reist. Á að hengja einn mann fyrir það? Það þurfa ALLIR, að vakna og þeir sem landinu stjórna, þurfa að taka höndum saman og átta sig á því hvað er að gerast. Það vantar nýjar reglur og nýja ramma NÚNA.

Hengjum ekki bakara fyrir smið.