Sjeikinn sem sveik.

Í miðri þessari hringavitleysu verð ég að viðurkenna hláturkast. Þessi svokallaða tilvera sem nú umvefur okkur er orðin æfintýralegri en öll þau æfintýr sem maður hefur lesið sér og öðrum til ánægju hingað til. Verst að þetta skuli vera raunveruleiki þ.e verri parturinn.

Í gærkvöldi voru 6 fréttirnar á RUV, með svipuðu sniði. Þrjár yfirlýsingar í einum og sama fréttatímanum. Játning frá sjúkrabeði utanríkisráðherra erlendis, önnur frá bankaráði Landsbankans og sú þriðja frá Elínu bankastjóra, sem var eins og jólakort til ættingja og vina...

Síst yrði maður hissa að heyra í fréttum á morgun að Össur Skarphéðinsson hefði verið numinn brott af geimverum.

Skrítið þetta með Kauphöllina... bréf keypt og skráð...eða hvað?... en aldrei greidd. Þetta verður sífellt dularfyllra.

Hvort kurl komist til grafar og hvernig æfintýrið endar... skyldi maður lifa þann dag?

 

Athugasemdir

[Dunni, 14.1.2009 kl. 23:11]

Nú hefst ritun ævintýraflokksins 2001 Nótt.  Hefst hún á Ævintýrinu um Sjeikinn og 25 horfnu milljarðanna í Kauþingi.

[Sigrún Vala Valgeirsdóttir, 14.1.2009 kl. 23:18]

Já það er gott mál að einhver skuli ætla að taka til höndunum hér. Vonandi fær maður að lesa endinn... það besta við æfintýrin er þó það að þau enda yfirleitt vel. - Annars gætum við alltaf beðið Noregskonung að taka við okkur aftur...Með kveðju.SVV.

[Jón Kristófer Arnarson, 16.1.2009 kl. 23:40]

Heyrði einhverstaðar að þessi Shake hefði verið bragðarefur.