149.982 = 33 = 6. Summan úr fyrstu röðun minni á kynningarkjörseðilinn.

15 kvk. 10 kk.  Aldursbil f:1930-1990. 

KVK. Póstn. 101=2, 105 =2 ; Borgarb.=1; Vesturbyggð = 1; Kóp=2; Árborg =1; Akureyri=1; Mosó=1; Reykjanes=2; Ísafjörður=1.

KK Póstn. 101=1; 108=1; 112=1; Akureyri=1; Stykkishólmur=1; Kóp.=3; Borgarbyggð =1; Garðabær=2.

Nokkuð sátt við valið, sem ég vil láta endurspegla sem breiðastan hóp; aldur,kyn og búseta.

(Mun þó aðeins laga þetta til ef ég finn fleiri konur frá þeim svæðum á landsbyggðinni er vantar inní ).

(Skemmtilegast væri að ná summunni 9, sem er góð tala ... eða jafnvel 8).

Tók einnig mið af því að frambjóðandi kæmi til leiks með opnum hug, tilbúin(n) í umræðu, góða og mikla vinnu.

Samkvæmt lögum um Stjórnlagaþing, (nr.90/2010) ræður þingið sér sérfræðinga til álitsgjafar um ólík málefni.

Þingið á einnig að taka við erindum frá almenningi og hagsmunahópum, ásamt því að upplýsa alþjóð skilmerkilega um störf þingsins á meðan á því stendur.

Mikil og krefjandi vinna bíður, þeirra sem til starfans verða valdir.

 

Orðin ferköntuð og glaseyg af lestri framboðsyfirlýsinga.

Það er að æra óstöðugan, að reyna að fylgjast með tvístraðri umræðunni og kosnigabaráttu einstaklinga í framboði til þingsins góða.

Á facebook síðu Stjórnlagaþings safna frambjóðendur „like“ og eru sumir augljóslega ötulli en aðrir.Í tísku er að setja „töluna sína“ inn á myndina. (Ég reyndi en fannst þetta eins og fanganúmer).

Svo auglýsa sumir ... og aðrir ekki.

Vissulega er það ákveðin kurteisi við kjósendur að koma sínum sjónarmiðum á framfæri þeim til auðveldunar við val. Þó er úr vöndu að ráða þar sem það er ekki endilega samþykkt að vera að ota sínum tota... eða annarra er manni þykir árennilegir... svona opinberlega.

Ríkisfjölmiðlum er vandi á höndum vegna fjölda frambjóðenda þar sem hið fullkomna jafnræði þarf að ríkja. Rúv er þó búið að koma upp ágætissíðu á sínum vef og á það einnig við um aðra vefmiðla.

Á vef DV. gefst lesendum tækifæri til að svara ákveðnum spurningum með fyrirframgefnum svörum sem er takmarkandi en ágætis leiðarvísir fyrir kjósendur þar sem þeir geta þannig borið sig saman við frambjóðendur.

Sjórnarskrárfélagið hefur staðið sig með afbrigðum vel og sent frá sér efni til hlustunar auk lifandi framboðskynninga þeirra sem hafa mætt.

Í dag hlustaði ég m.a. á  fyrirlestur Þorsteins Pálssonar frá Skálholtsfundi, en var yfirskrift hans „Hvað er málið“.  Þorsteinn bendir á að fyrirkomulag þjóðfundar sé gerólíkt í eðli sínu fyrirkomulagi Alþingis.

Á alþingi ræði menn með sérstökum hætti málin ofan í kjölinn til að komast að niðurstöðu en Þjóðfundur komi fram með hinar ólíku skoðanir í heild.

Mér finnst persólulega alltaf gott að hlýða á mótvægi þess sem fer eins og eldur um sinu hópsálarinnar. Ég er enn þeirrar skoðunar að við verðum að stíga varlega til jarðar og láta ekki „anda dagsins“  leiða okkur á villigötur. (eins og við höfum gert... eða hvað?)

.Lögin um Stjórnlagaþing kveða á um form þingsins að mestu. Þar kemur fram að stjórnlagaþingsnefnd skuli leggja niðurstöður þjóðfundar fyrir þingið. Skipa skal forseta þings og formenn nefnda eftir sérstökum reglum ásamt því að ráða til sérfræðinga.

Enn er ég tvímælalaust þeirrar skoðunar að heillavænlegast sé að á þingið veljist breiður hópur fólks, sem kemur til starfa með opnum huga, tilbúið til að vinna eftir lýræðislegum leiðum og skapa nýtt umræðuform. 

Hvað sem segja má um nauðsyn þess að breyta stjórnarskránni nú, þá er svo komið að þingið mun taka  til starfa.

Meðframbjóðandi var óvænt ferðafélagi á heimleið frá Kaupmannahöfn í síðustu viku. Hann sér Stjórnlagaþing sem ljósið í myrkrinu.

Ég er sammála honum að því leyti, að takist með þessu að ná frið og sátt til framtíðar er verkefnið þess virði.

Áhugaverður listi frambjóðenda.

Það verður skemmtileg glíma að finna út þá einstaklinga sem maður treystir best á þingið.

Margir hafa haft af því ærnar áhyggjur hvernig náist að mynda sér skoðun. Enn gefst tími og listinn er kominn.

Þegar allt kemur til alls, þá held ég að á endanum nái kjósendur að gera upp hug sinn svo þeir verði sáttir við. (suduko og krossgátuhefðin kemur þá væntanlega að góðum notum).

Sé hér í viðhengi við fréttina um listann, leiðbeiningar um val.

Viðurkenni að ég hef samkvæmt þeirri úttekt tvo meigin ókosti:

Tvö starfsheiti (sem ég er reyndar sammála að sé óþarft ) og svo er ég ákaflega vel máli farin, en það tel ég reyndar mikinn kost.

Annars leit ég strax yfir starfsheitin og lét nöfnin liggja á milli hluta í fyrstu umferð.

Ja, svona er þetta.

 

 

"Goddi", góður og ekta.

Systur minni fannst hún orðin n.k. grúppía fyrir þáttinn Návígi á RUV á facebook síðunni sinni, þegar hún mærði bæði stjórnanda og viðmælendur í tvígang. Um var að ræða viðtalið við Pál Skúlason og "Godda". Ég get tekið undir með henni.

Það er mikið gott að heyrist hátt í mönnum eins og þeim þessa dagana. Páll er vel máli farinn hugsuður og heimspekingur, sem nær að setja umræðuna á eðlilegt og vitrænt plan. Hann kann  auðvitað öll "trikkin í bókinni" (á óvandaðri íslensku) ... aðferðafræði vandaðrar umræðu, sem við þurfum öll að læra og tileinka okkur.

"Godda", þennan ágæta mann sem var viðmælandi Þórhalls í gærkveldi, þekki ég ekki persónulega en mér fannst gott að fá þessa sýn hans sem innlegg í þá umræðu er hæst mun bera á næstu vikum.  Umræðuna um það hver við erum sem þjóð.

Útskýringar hans á því hvernig  myndmálið læsist í okkur ósjálfrátt  var afar áhugaverð og í rauninni nauðsynlegt að skilja og skynja.

Rakti hann sögu, skjaldarmerkis okkar, fjallkonu, fána og Alþingishúss m.a. Lýsti því hvernig þessi merki hafa inngreypst í hugi okkar og verið hluti af sjálfsmynd okkar sem þjóðar... og kannski okkar eigin sjálfsmynd sem einstaklingar og hluti af þjóð....

Þótt  íslenska fjallkonan eigi sér fyrirmynd í annarri gyðju (eða öðrum gyðjum öllu heldur), þá skiptir það einhvern vegin ekki öllu máli fyrir mig. Mér þykir hún jafn falleg táknmynd engu að síður.

Mér finnst hins vegar mjög gott að skilja þetta samhengi hlutanna og sjá það í víðara samhengi.

Tel ég mikilvægt einmitt á þessum tímapunkti að við lærum að skilja þetta samhengi allt og ekki síst hin nýja kynslóð sem taka mun við.

Ég deili áhyggum af ofurtrú á "guðinn" exel.

Sannarlega er náttúran ekta, þau tengsli endurnýjaði ég með afgerandi hætti í sumar við jurtatínslu. Það er óendanlega dýrðlegt að vera í skínandi sumarólinni í móa umlukinn jurtaflóru, fossnið og fuglasögn. Svo ekki sé talað um að læra hvaða jurt er hvað og til hvers hún er nýtileg.

Já það er ekta... eins og "Goddi" sjálfur, lopapeysan og slátirð... þangað sem við leitum til að reyna að skilja okkur sjálf sem einstaklinga og þjóð.

Holtasóley. Þjóðarblóm Íslands.

 

500 manns í framboði. Gott eða slæmt?

 

Þjóðarsálin í hnotskurn... meira en helmingur skilar inn á síðustu stundu.

Þetta erum við... þjóðin. Harðduglegt og vinnusamt fólk með trúa á sjálft sig... á síðustu stundu.

Er ekki dásamlegt að allt þetta fólk hafi þá einlægu trú að þess framlag skipti máli.

Jú það er það. Og auðvitað skiptir það máli.

Það skitpir máli að umræðan verði til og hún fari fram.

Það er það góða.

Ég get þó ekki varist þeirri hugsun að þarna sé á ferðinni sami eiginleiki og kom svo skýrt fram á hlutabréfaárunum.

Ég man það eins og gerst hafi í gær, sumarið 2007. Þá var ég með opið hús á Menningarnótt.

Fólk dreif að héðan og þaðan. Sat í grúppum hér og þar, úti á palli og inni í stofu. Hvar ég stóð miðsvæðis með vöffludiskinn í annarri hendi og heyrði á tal manna, brá mér í brún. Það voru allir, hver einasti maður að tala um hlutabréf. Hvar þeir hefðu keypt, í hverju þeir hefðu selt. Hvort ætti að selja eða kaupa. Hvað þeir hefðu grætt.

Hvað ætti að veðja á næst osfrv.

 „Við erum orðin biluð." Hugsaði ég. „Við erum gjörsamlega búin að missa vitið". Nú er hver einasti maður orðinn sérfræðingur í hlutabréfaviðskiptum.

---

 Nú er sem sé hver einasti maður orðinn sérfræðingur í Stjórnarskránni... og ég líka.!

þetta er auðvitað bara dásamlegt. En kann þetta góðri lukku að stýra?

Sýnir þetta styrk okkar þjóðarsálar eða veikleika?  (Erum við haldin ólæknandi hjarðhegðunar -„heilkenni"?)

Hverjir eru okkar helstu styrkleikar sem þjóð?:

Við erum í grunninn vinnusamt, duglegt og heiðarlegt fólk, upplýst og vel menntuð þjóð. Við höfum frumkvæða hugsun og erum kjarkmikil. Við kunnum að sýna samstöðu og samhygð ef í harðbakka slær. Bæði hvort öðru og út á við. Sagna hefur kennt okkur nauðsyn þess að vera útsjónasöm og þar af leiðandi held ég að við höfum innbyggt nokkuð sterkt innsæi (og vonandi nokkra framsýni).

 

Hvað þyrftum við að læra? Að hlusta og flýta okkur hægt.

---

Að vissu leyti er hálfgert brjálæði að boða til persónukjörs á þennan hátt. Hvernig í ósköpunum á kjósandinn að velja úr og hafa til þess viku?  (kynningabæklingur kjörstjórnar verður kominn í hús þá) / Ég er sjálf að reyna að mynda mér skoðun á hinum 24, en þetta er nánast óvinnandi vegur. Niðurstaða kosninganna... ja hvað í raun endurspeglar hún?

Tilraun sem aldrei hefur verið gerð áður þótt víðar væri leitað. Nema hvað. Og hvar er hún gerð. Á Íslandi.!

Tilraunin er vissulega spennandi og verður fróðlegt að sjá útkomuna úr kosningunum. Ef okkur tekst að þessu sinni að ræða málin á upplýstan og yfirvegaðann hátt (á þinginu og í undanfara kosninganna). Án slagorða og upphrópana (svo ekki sé talað um karp, skotgrafahernað  og önnur leiðindi).

Ef stíllinn á umræðunni breytist. Þá er tilraunin þess virði.

 

 

Margir að skila í morgun.

Það var nóg að gera hjá þeim í afgreiðslunni í glerskála Alþingis í morgun. Frambjóðendur og / eða fulltrúar þeirra streymdu að með gögn. Er það vel. Gaman verður að sjá listann í heild.

Margir frambjóðendanna hafa þegar hafið "kosningabaráttuna", bæði á Facebook síðu Stjórnlagaþingsins og á eigin bloggsíðum. Baráttumálin eru af ýmsum toga. Mestur samhljómur virðist vera hvað varðar skýrari þrískiptingu valdsins og náttúruauðlindir í eign þjóðarinnar.

Önnur málefni koma til kastanna svo sem aðskilnaður ríkis og kirkju, persónukjör, kjördæmaskipan, valdsvið forseta ofl.

Þetta eru engin smá mál, nema síður sé.

Nokkuð hefur verið fjallað um það í umræðunni almennt undanfarið hve umræðuhefðin okkar hér er slök. Það væri lag að láta reyna á nýja tegund að "umræðuhefð" á Stjórnlagaþinginu og vera búin að huga að umræðuforminu í tíma.

Þjóðfundurinn sem halda á næstunni leggur grunninn fyrir Stjórnlagaþing sem er gott. Það er mikilvæg að okkur "þjóðinni" finnist þetta ekki eitt "platið" enn.

Vandasamt er að iðka lýðræðið og góða umræðuhefð þar sem slíkt krefst þolinmæði og hlustunar ásamt virðingu fyrir skoðun annarra.

Gagnrýni á óvandaða stjórnsýslu hefur verið hávær undanfarið. Brýnt er að Stjórnlagaþing sýni í verki að þar fari fólk, sem unnið getur faglega og  verið góð fyrirmynd að vönduðum og nútímalegum vinnubrögðum.  Upplýsingaflæði frá þinginu til þjóðarinnar þarf að vera virkt og aðgengilegt öllum  án vandkvæða.

Um frambjóðanda:

Ég er fædd 3.október 1959 í Reykjavík. Foreldrar eru Lovísa Ágústsdóttir fv.ritari og Valgeir Gestsson fv. skólastjóri og formaður Kennarasambands Íslands. Ég á þrjár systur, 5 yndisleg systrabörn, eina dóttur og dótturdóttir. Barnsskónum sleit ég að Varmalandi í Borgarfirði, lærði skólaljóðin og keppti í íþróttum með UMFÍ.

Síðar stundaði ég nám í sagnfræði, heimspeki og fjölmiðlafræði við H.Í. Lauk Brautargengisnámi hjá IMRPU Nýsköpunarmiðstöð árið 2000 og Frumkvöðalfræðum PDE, frá Háskólanum á Keili 2009.

Ég hef unnið fjölbreytt störf í gegnum tíðina; eldað fyrir ferðamenn á hálendi Íslands, starfað sem kennari, rekið eigð tehús í Reykjavík, en þó hefur stærstur hluti starfsævinnar snúið að ráðgjöf m.a. til unglinga hjá Reykjavíkurborg og kvenna sem leita þjónustu Kvennaathvarfsins.

Sl. vetur tók ég þátt í sjálfboðaliðastarfi með UNIFEM á Íslandi og vann með þeim í landsbyggðakynningum.

Um þessar mundir er ég að þróa eigin vöru sem unnin er að hluta til úr íslenskum jurtum.

Það Ísland sem ég ólst upp á var land friðsemdar og eðlilegrar uppbyggingar skóla- heilbrigðiskerfis, lífeyrissjóða og stéttafélaga m.a. Gildi aldamótakynslóðarinnar í gegnum afa og ömmur eru mér í blóð borin. Trú á land og lýð, virðing fyrir náttúrunni og samvistir við hana,... rabbabaragarður... skógarlundur... lækjarniður... skrúðgarðar og 17.júní....

Gildi sem ég hef erft og virði.  -  Gamalt getur líka verið gott.

 - Það er einnlæg von mín að yfir Stjórnlagaþingi ríki góður andi, jákvæðni , uppbygging , trú , traust og gleði. -

 Með skýra sýn og gott innsæi. Skipulagsfærni, vinnusemi og þjálfun í að hlusta. Virðingu fyrir uppruna okkar og sögu, ásamt  þeim góðu gildum sem við enn búum yfir, óska ég þátttöku í Stjórnlagaþingi.

 

 

Landsbyggðakynning UNIFEM á Íslandi heldur áfram.

Verðum á Ísafirði í kvöld kl. 20.00 í Hömrum. Fjöldi kvenna á Ísafirði og nágrenni hefur tekið höndum saman undanfarið og ljáð verkefninu lið og er útkoman vægast sagt glæsileg.

Ágústa Gísaldóttur, sviðsstjóra hjá Þróunarsamvinnustofnun Íslands segir frá starfi sínu í Afríku og Steinunn Gyðu-og Guðjónsdóttir, framkvæmdastýra UNIFEM á Íslandi, kynnir starf UNIFEM og systralagið.

Sigríður Ragnarsdóttir, skólastjóri, Tónlistaskóla Ísafjarðar á veg og vanda að tónlistadagskrá sem tilhlökkun er af að fá að hlýða á. Kvennakór Ísafjarðar og Stúlknakór Tónlistarskóla Ísafjarðar taka nokkur lög undir stjórn Bjarneyjar Ingibjargar Gunnlaugsdóttur. Þá mun Ingunn Ósk Sturludóttir syngja og Guðrún Jónsdóttir lesa ljóð. 

  "Lista"konurnar Albertína Elíasdóttir, Arna Lára Jónsdóttir og Guðfinna Hreiðarsdóttir sjá um kaffiveitingar í hléi.

Á Heitt á prjónunum, hjá Gerði, verður opnuð sýning á sjölum í tengslum við kynningu UNIFEM klukkan 16.00 mánudaginn 20 apríl og mun hún standa út vikuna.

Kynnir:  Ylfa Mist Helgadóttir.

Hún Elsa hjá Fjölmenningarsetrinu hefur haldið utanum verkefnið á Ísafirði og leitt þetta allt saman ásamt Bryndísi hjá Rauða Krossinum. :-)

Vestfirsku fjöllin eru mikilfengleg og föst fyrir. / Skyldi Gamla Bakaríið vera ennþá starfandi?

 

Skagfirsk kvennasveifla.

Stjörnubjartur himinn umlukti Menningarmiðstöðina Miðgarð í Skagafirði í gærkvöldi.Innan dyra, fyrir fullu húsi söng Ásdís Guðmundsdóttir, verkefnisstýra styrktarsjóðs Atvinnmála kvenna með glæsilegum liðsstyrk í hljóðfæraleik og bakröddum heimafólks.Norðurljósin voru enn í hvínandi stuði þegar við keyrðum „suður“, til Rvk. þá nótt.Söngdagskráin var vandlega samsett af þekktri tónlist kvenna á heimsvísu.Mikið var um Suður-ameríska söngva og austræna, sem var vel. Á milli laga voru fluttar litlar þjóðsögur frá því landi er tónlistinni tengdust.Lokalagið „Ég er kominn heim“, Söng Ásdís af  innlifun og glæsibrag eins og öll hin lögin,  en í aukalagi 2 hafði sveiflan náð taki á salnum sem stóð upp, dansaði og klappaði við „...blandaðu meira...“   (á blandaðri tungu).

♫♫♫♫♫♫♫♫

Í hléi gæddi fólk sér á þjóðréttum hinna ýmsu landa, s.s. Frakklands, Þýsklands, Svíþjóðar og Suður – Afríku en fólk frá 9 þjóðlöndum býr og starfar í Skagafirði.  Rauði krossinn á svæðinu hjálpaði til við skipulagningu á því gómsæta verkefni. UNIFEM, kynnti sína starfssemi fyrir gestum og safnaði systrum í  „Systralagið“, en „ber er hver að baki, nema sér systur eigi...“ eins og  Steinunn Gyðu-og Guðmundsdóttir framkvæmdastýra UNIFEM, á Íslandi,  benti á í sínu innleggi eftir hléið.  Með „systralaginu“ tökumst við hönd í hönd á heimsvísu og styrkjum verkefni sem vinna gegn ofbeldi er sérlega bitnar á konum.Sabine , talaði fyrir samtök kvenna af erlendum uppruna og sagði skemmtilega frá sinni upplifun, viðhorfi og reynslu.Íslenska vetrarnóttin var köld ytra en hlý innra. 24.otk.2009.  - Fyrsti vetrardagur, kvennafrídagurinn og Dagur Sameinuðu þjóðanna runnu saman í notalega kvöldstund í Skagafirðinu að þessu sinni. Enn ómar af tónlistinni , sem alltaf tekst að sanna gildi sitt.  Óska ég þess að hún Ásdís fái að heyrast víðar með þetta vermandi prógramm á næstunni. Svo þakka ég auðvitað kærlega gestrisni Skagfirðinga og góðan félagsskap í ferðinni. 

Reykjanesblóm.

15 mánaða búseta mín hér í Reykjanesbæ, hefur kennt mér ýmislegt.

M.a. það, að fyrir okkur sem höldum að miðja alheimsins sé Reykjavík, sem næst miðbænum og þar um kring, er hollt að gerast íbúi annars sveitafélags.

Stækkar sjóndeildarhringurinn eða minnkar? Hann breytist.

S.l. haust settis ég á skólabekk eftir langt hlé, við Háskólann á Keili, sem staðsettur er á gamla varnarsvæðinu, sem nú ber nafið Ásbrú.

Umhendis var ljós uppbyggingarorkan í loftinu. / Fullt í gangi og einhvern vegin sá maður fyrir sér blómlegt bæjarfélag birtast innana skamms. Það var þarna á leiðinni, ... blómknappur við   að springa út. Búið að sá fræinu, vökva, grisja og hirða um dágóðan tíma... nokkur ár.

Ég veit ekki af hverju ég hugsaði það við stjórnarskiptin í vetur „Shit“ nú á þetta hér, ... blómið góða... eftir að fá nokkra skelli, tafir koma, gerðar verða athugasemdir, hlutir settir á ís.

Það þarf ekki annað en venjulega manneskju til að sjá, skilja og skynja hve ákvarðanir einstaklinga sem stýra bátnum þessa dagana bæta óþarfa sorg og áhyggjum ofan á  fyrir þá sem hér á Reykjanesi búa.  Ákvarðanir sem virðast bera vitni „tengslaleysis“ við raunverulegar aðstæður og  tilfinningar.

Seint gæti ég talist sérlegur talsmaður stóriðju sem einhliða búgreinar, en ég segi það fullum fetum að mín skoðun er sú, að:

„ÖLL „ ÞAU VERKEFNI,  SEM UNDIRBÚIN  HAFA  VERIР AF KOSTGÆFNI  OG ELJUSEMI UNDANFARIN  ÁR FYRIR FRAMTÍIÐAR ATVINNU HÉR Á REYKJANESI EIGA AÐ FÁ AÐ KOMA TIL FRAMKVÆMDA, NÚ ÞEGAR“. Þetta eru verkefni sem eru tilbúin.

Þess vegna sat ég fjölsóttan borgarafund í Framhaldsskólanum hér í kvöld og hlýddi á bæjarstjóra sveitafélaganna tala, ásamt formanni Verkalýðs og sjómannafélags Keflavíkur. Nokkrir þingmenn flokka (utan VG), tóku til máls og virtist einhugur um að losa hnútinn.

Það vona ég sannarlega að verði ofaná.

Bæjarbúar og ráðamenn hér, er unnið hafa hörðum höndum undanfarin ár,eiga ekkert annað skilið en að fá að sjá árangur verka sinna og uppskera eins vel og þeir hafa sáð til.

Áfram Reykjanes.

 

Dálítið sérstakar áherslur í þessum fréttaflutningi.

Þarf þá ekki sérstakar reglur til að flyta inn í hvað hús sem manni sýnist?  - "En sérstakar reglur þarf til að rífa hús". - Ljóta bullið. - Stend 100% með lögreglunni. - Hvernig í ósköpunum eiga þeir að haga sér til að fá skilning á sínu starfi?