Ólína, þið eigið að hætta að einblína á þetta og hefjast handa við aðgerðir ...

TIL BJARGAR ÞEIM SEM EKKERT HAFA !!!!

Laga lægstu launin, hefja atvinnuuppbyggingu osfrv. Sjá færslur fyrir neðan.

Þar er meirihluti þjóðarinnar og þar eigið þið að vinna með því fólki.... þjóðinni.!!!!!!

Hagvöxt þarf að auka upp í 5% ... eins og þú væntalega veist.

Ég verð bara reið að heyra svona vitleysu... með þessari hugsun er sem sé dyggð að vera fátækur... eða havð?

Nei, þetta er ekki málið... beinið augunum að þeim sem á ykkur þurfa að halda...

NÚNA!!! 

 

 

 

 

Nóg komið af vitleysunni

Siðferðileg skylda forsætisráðherra er að horfast í augu við anna og stærri vanda.

Og laga nú þegar kjör þeirra sem sem eiga ekki fyrir mat í þessu samfélagi atvinnuleysis og ráðaleysis.

Það er ömurlegt að horfa sífellt upp á þennan reiði- og þunglyndissvip Jóhönnu.

Ég skora á hana að fara að brosa og einhenda sér eftir kaffihléið í dag að heimta það, að biðröðum í matarúthlutun sé eytt. Skattar á lægstu laun séu lækkaðir, skattleysismörk hækkuð og bætur til atvinnulausra hækkaðar og atvinnutækifærum fjölgað.

Þetta komi til framkvæmda í fyrramálið.

Mikið djöf... er ég orðin þreytt á þessu eilífa kjaftæði um það sem ekki skiptir neinu máli.

Það eru 12.000 manns atvinnulausir á bótum sem duga ekki fyrir mat.

Það er stóra málið.

Engin réttlæting fyrir ofurlaunum

Mikið var. En hvað svo?

Ljóst er að fjöldi einstaklinga er undir þessum viðmiðunarmörkum.

Atvinnulausir í desember 2010 skv. vef Vinnumálastofnunar voru 12.745 að meðaltali.

Atvinnulaus einstaklingur fær í ráðstöfunartekjur,  fullar bætur uþb. kr.120.000-

Það vantar þá um 170.000 kr. upp á!!!

Hvernig á að leysa þennan vanda? -

"Ekki er tekið mið af neysluviðmiði í kjarasamningum í Noregi", segir Guðbjartur ... svona eins og til að lækka væntingar. Ein hvers staðar minnir líka að ég hafi heyrt hann segja, að bætur verði ekki hækkaðar.

En til hvers er þá neysluviðmiðið?

Annað hvort verður að vera næg vinna, eða bætur nægar  til framfærslu. Ef ekki, hvað þá?

Fólk vill vinna. Það er málið, og hafa laun sem duga til framfærslu. Þetta er nú varla flóknara en það.

Flestir vita hvað þeir þurfa til að eiga í sig og á. Vart þarf nú reiknivél sérstaka til þess, eins og Velferðarráðuneytið setur á sinn vef, í tilefni af því að neysluviðmiðin hafa verið útgefin.

Það er eiginlega í sjálfu sér fáránlegt að hafa atvinnuelysisbætur svo langt undir neysluviðmiði, þegar atvinnuleysið er svona mikið. Auðvitað átt að taka á því þegar í stað, í ársbyrjun 2009 að lágmarki.

En nú er þetta komið og vonanadi leiðir það til betri vegar.

Viðmið einstaklings 292 þús

Og ég er skíthrædd við Jóhönnu í þessum ham.

Fyrr má nú rota en dauðrota. - Held þá helst að þetta hljóti að vera Davíð að kenna, en mikla krafta þarf til að sýna honum hvar hann keypti ölið.

Er ekki nokkuð langt seilst að kenna íhaldinu (hinu stóra skrímsli) um þetta lagaklúður.

Sá sjálf er ég fylgdi ferli laganna að þau voru hroðvirknislega unni og í allt of miklum flýti.

Geri ráð fyrir því , að Jóhanna sé að vísa í dómarana eða hvað?

Og hver er svo þessi "eina sanna þjóð" sem vinsælt er að höfða til þessa dagana.

Við íslendingar sem erum klofin í tvennt, bæði í þessu Stjórnlagaþingsmáli, ESB aðildarmáli og Icesave máli.

Það var þrátt fyrir allt lítill áhugi á Stjórnlagaþingi hjá þjóðinni, - nema auðvitað hafði ákveðinn hópur mikinn áhuga og miklar væntingar.

Hví þá ekki að kanna vilja þjóðarinnar til Stjórnlagaþings með þjóðaratkvæðagreiðslu og fá þá í eitt skipti fyrir öll niðurstöðu um hve mikill sá áhugi er raunverulega til að byrja með?

 

Íhaldið er „skíthrætt“

Hvar verður þá styttan af Þorvaldi?

Merkilegt hvað stjórnarskrá Suður - Afríku er allt í einu orðin "heit". Maður þar sagði að 2- 4 mán. væru allt of skammur tími til að semja nýja stjórnarskrá og þykir það afar merkilegt... en ég veit ekki betur en það hafi verið bent á það hér heima margoft. 

Mér hugnast heldur ekki að hafa viðurlög við stjórnarskrárbroti í stjórnarskrá, eins og í Suður - Afríku.

Stjórnarskráin á að vera fallegt lýðræðislegt plagg.

Siðbót kemur ekki með boðum að utan, hún kemur innan frá.

Ef "þjóðin er stjórnarskrárgjafinn... ", eins og margir frambjóðenda lýstu, þá hlýtur hún á endanum að fá að segja sitt síðasta orð... svo á verði hlustað.

Þorvaldur Gylfason er hvort sem er búinn að skrifa nýja stjórnarskrá... amk. fyrsta kaflann.

Illugi hefur lýst því yfir að hann muni leggja nótt við dag og sátt megi finnast um hið nýja plagg.

Það vona ég að gangi vel... en það verður þá líka að spyrja okkur hin.

Mig lagar til að halda því áfram, að láta mér þykja vænt um mína stjórnarskrá og veit ekki enn hvort ég treysti þessu annars ágæta fólki til að búa til það plagg.

Amk. einn hinna nýju þingmanna á Stjórnlagaþingi hafa lýst því yfir að  "það verði að opna fyrir framsalsheimildir á valdi til alþjóðastofnana"  Svo það er klárt af hennar hálfu. Mun hún hafa vilja til að setja þá spurningu til landsmanna og leyfa þeima að segja sitt orð?

Það verður auðvitað spurt að leikslokum í þessu sem öðru. Ég hafði vonast til að á listanum yrði breiðari hópur ... en við því var auðvitað ekki að búast.

Í stjórnarskrá Ekvador er "Móðir jörð" Gaia, aðili að stjórnarskránni eins og hver annar þegn.

Við getum alveg eins tekið það upp og er miklu betra en refsiákvæði Suður - Afríku.

Gaia.

Fysti sunnudagur í aðventu og kosningum lokið.

Ég hygg að margur finni til léttis að loknum þessum kosningum og nú getur hugurinn reikað annað um stundarsakir.

Úrslitin verða ljós í kvöld, væntalega og verður vissulega forvitnilegt að líta yfir listann.

Þakka ber þeim, sem lögðu það á sig að fara á kjörstað og fylla út sinn seðil af stakri samviskusemi.

Ég þakka vissulega þeim, sem settu mitt númer hjá sér.

Að loknum jólaundirbúningi og jólahaldi er svo hægt að hefja aftur vöku sína að nýju.

Aðventan er notalegur tími með fjölda tónleika og herlegheitum, sem gott er að njóta þrátt fyrir allt.

Sjávargyðja.

 

 

 

 

Eigið góðan kosningadag.

 Snæfellsjökull, sumar 2008.

 Eyjafjörður, sumar 2009

 Þingvellir, sumar 2007

 

Okkur mun farnast vel.

Svo kvað Zaraþústra... eða þannig.

Fékk hugboð fyrir nokkrum vikum, þess efnis að eitthvað myndi stjórnlagaþing á endanum tengjast inngöngu í ESB.

Það kemur fyrir að hugboð reynast rétt.

Við fyrsta yfirlestur laga um Stjórnlagaþing fékk ég  tilfinningu fyrir því ,að þau væru samin  í flýti... en svo er nú reyndar ekki... þannig lagað séð ,en þeim er hraðað í gegnum þingið virðist vera og tekur stöðugum breytingum (etv. eðlilegt ferli og vertíðarkennt).

Vefur Alþingis er góður til síns brúks, eins og vera ber og fróðlegt að fara yfir málið þar.

4.11.2009

"Þskj. 168  —  152. mál. Frumvarp til laga um stjórnlagaþing.

(Lagt fyrir Alþingi á 138. löggjafarþingi 2009–2010.)

I. KAFLI
Hlutverk og skipan.
1. gr.
Hlutverk.

    Forseti Íslands skal boða til ráðgefandi stjórnlagaþings til að endurskoða stjórnarskrá lýðveldisins Íslands, nr. 33 17. júní 1944."

....

3. gr.
Viðfangsefni.

    Stjórnlagaþing skal sérstaklega taka til umfjöllunar eftirfarandi þætti:
    1.      Undirstöður íslenskrar stjórnskipunar og helstu grunnhugtök hennar.
    2.      Skipan löggjafarvalds og framkvæmdarvalds og valdmörk þeirra.
    3.      Hlutverk og stöðu forseta lýðveldisins.
    4.      Sjálfstæði dómstóla og eftirlit þeirra með öðrum handhöfum ríkisvalds.
    5.      Ákvæði um kosningar og kjördæmaskipan.
    6.      Lýðræðislega þátttöku almennings.
    Stjórnlagaþing getur ákveðið að taka til umfjöllunar fleiri þætti en getið er í 1. mgr.

Loka niðurstaða: útgefin 25.júní 2010,  lög no.90.

( 39 já, 1 nei, 11 greiddu ekki atkv., 12 fjarstaddir.)


"I. kafli. Hlutverk og skipan.
1. gr. Hlutverk.
Forseti Alþingis skal í samráði við stjórnlaganefnd boða til ráðgefandi stjórnlagaþings til að endurskoða stjórnarskrá lýðveldisins Íslands, nr. 33 17. júní 1944.

................

                                                                       3. gr.

Viðfangsefni.     Stjórnlagaþing skal sérstaklega taka til umfjöllunar eftirfarandi þætti:

1.

Undirstöður íslenskrar stjórnskipunar og helstu grunnhugtök hennar.

2.

Skipan löggjafarvalds og framkvæmdarvalds og valdmörk þeirra.

3.

Hlutverk og stöðu forseta lýðveldisins.

4.

Sjálfstæði dómstóla og eftirlit þeirra með öðrum handhöfum ríkisvalds.

5.

Ákvæði um kosningar og kjördæmaskipan.

6.

Lýðræðislega þátttöku almennings, m.a. um tímasetningu og fyrirkomulag þjóðaratkvæðagreiðslu, þar á meðal um frumvarp til stjórnarskipunarlaga.

7.

Framsal ríkisvalds til alþjóðastofnana og meðferð utanríkismála.

8.

Umhverfismál, þar á meðal um eignarhald og nýtingu náttúruauðlinda.

     Stjórnlagaþing getur ákveðið að taka til umfjöllunar fleiri þætti en getið er í 1. mgr."



Málið fer til  í fyrstu umræðu 12.11. 2009 , og aðra 8.6. 2010 sem lýkur 12.6 (sama ár).... (þingskjölum dreift 4.6), Þriðja umræða fer fram 16. 6. 2010 (þingskjölum dreift 12.6.)

Nefndarálit fyrir aðra umræðu eru 3 (meirihluti, minnihluti 1 og minnihluti 2).

Breytingartillögur þrjár.

Þar kemur inn 7. og 8 atriði verkefna til þingsins.

Frumvarpið liggur þá breytt fyrir þriðju umræðu, fær framhaldsnefndarálit (14.júní 2010) og breytingatillögu í framhaldi af því.

Þá dettur "forseti" út og í staðinn kemur "forseti Alþingis"...  "þjóðfundur" kemur inn og "stjórnlaganefnd."

þar er hámarksauglýsingakostnaður frambjóðenda ákveðinn og einnig kemur allsherjarnefnd með langa umhugsun um þjóðaratkvæðagreiðslu ....  á því plaggi er frá stjórnlagaþingi kemur.

sem ratar þá  inn í lögin að lokum.

------------

All nokkur innsend erindi eru skráð vegna málsins, umsagnir og minnisblöð.

Kosningakerfið SVT,  er stór hluti málsins og liggja all nokkur minnisblöð um það,

Así, vill fjölga fulltrúum á stjórnlagaþingi í 60-70.

Samband Sveitafélaga er ekki hrifið af persónukjöri og óskar eftir því að fá kostnað vegna kosninganna greiddann.

Hreyfingin og Borgarahreyfingin hafna því að þingið sé ráðgefnadi. (en ekki bindandi eins og til stóð í upphafi vega).

Tillögur koma um aðrar aðferðir við stjórnarskrárbreytingun, þar sem Alþingi gefur ekki frá sér valdið á þessu mikilvæga verkefni (sem skv. stjórnarskrá er hjá Alþingi).

og Stjórnarskráfélagið biður um meiri tíma til undirbúnings og umræðu í þjóðfélaginu... fram á mitt ár 2011  til aðlögunar og undirbúnings... Já því ekki það. Gáfað fólk þarna í Stjórnarskrárfélaginu...

Þessi mánaðarundirbúningur fyrir kjósendur jafnt og marga frambjóðendur er afar naumt skammtaður tími.

Niðurstaða mín er sú, að hraða þurfi þessu ferli til að ná fram breytingu sbr. lið 7 á verkefnalista stjórnlagaþings til að liðka fyrir um vegna ESB ferlisins.

Ég kann að hafa rangt fyrir mér.

Vonir fólksins eru mismunandi og margvíslegar.

Almenningur sem rætt var við í kvöld, vonast eftir "einhverri breytingu", "einhverju betra"... en hvað er það?

 

Það sem aðrir leggja í púkkið á lífsleiðinni.

Í Frumkvöðlanáminu á Keili kynntist ég mörgu góðu og kláru fólki. Meðal þeirra var landsþekkt kona sem hefur lagt sitt lóð á vogaskálarnar hvað varðar táknmálið. Hún vill gera táknmálinu jafnhátt undir höfði og hinu talaða máli.

Hún er ein af þeim manneskjum sem hefur lagt í mitt lífsleiðarpúkk. Sannarlega hefði ég ekki skilið hennar heim nema vegna þessara góðu kynna.

Við eigum svo mikið af flottu hugsjónafólki sem passar upp á sitt og lætur vel í sér heyra þessa dagana.

Það hlýtur að vera meigregla að staldra við og hlusta.

Margar góðar hugmydir hvað varðar bættar undirstöður okkar, í tengslum við frumvarp að nýrri stjórnarskrá ,hef ég hlýtt á undanfarna daga í útvarpinu.

Ein er sú, að leggja tvær stjórnarskrár fyrir þjóðina til atkvæða.

Aðra þá sem stjórnlagaþing hefur samþykkt og hina þá sömu með breytingum sem Alþingi hefur  lagt til við sína yfirferð.

Ætli við nennum öllum þessum kosningum..... já vonandi.

Enda virðist það sýnt, að vægi þjóðaratkvæðagreiðslan verður aukið í drögum að nýrri strjónarskrá frá stjórnlagaþingi, ef marka má vilja meirihluta frambjóðenda.

Svo við þurfum að fara að setja okkur í tíðari kosningastelligar...

Önnur hugmynd var líka mjög skemmtileg, en það er að hafa Þjóðfund árlega til að taka púlsinn og veita aðhald ... og það á Þingvöllum.  Tek heilshugar undir þessa tillögu.

Einn frambjóðenda er búinn að gera drög að upphafskafla nýrrar stjórnarskrár... sem byrjar þá svona.... "Við íslendingar..... (gott og vel, það er spurning...

Annar hefur sagt þá sem vinni fyrir þjóðina ættu að skilgreina sig sem "Þjóna þjóðarinnar...  gott til að ná auðmýktinni inn í hugsanaferlið.

Ég vildi enn óska þess, að á þinginu komandi gæti virkilega skapast nýtt umræðuform.

Það þarf persónulegan þroska til að taka þátt í lýðræðislegri rökræðu...

Það er kallað á "eitthvað nýtt"... Nýtt Ísland. 

Allar raunverulegar breytingar koma innan frá, hjá hverri einstakri manneskju... 

Eigi þingið að verða raunverulegt upphaf að "einhverju nýju" ... og betra auðvitað, þá er ég sannfærð um að það gerist ekki nema þingið sýni í verki að það sé tilbúið til að , 

vinna samkvæmt þeim gildum sem við (skv. þjóðfundi viljum hafa) og skapa raunverulegt fordæmi fyrir þessu nýja.

Þannig (og eiginlega bara þannig finnst mér) getur það lagt í púkkið .... eitthvað sem hreyfir við.

 

Innan fárra daga kemur þá í ljós, hvernig þessari tilraun muni farnast.

Vart þó þorandi að nefna á nafn orðið sem hæst ber þessa dagana.

Hefur verið sérstök upplifun að taka þátt í þessari... sem ég kalla "svokölluðu" kosningabaráttu... en það er svolítið eins og taka þátt í keppni eða leik, þar sem verið er að búa til leikreglurnar jafnharðan.

Mér finnst reyndar eftir að þættirnir á RÚV komust í loftið og á vefinn, vera mun betra að átta sig á flóru frambjóðenda.

Engin leið á því að átta sig á því hvernig facebook (eitt aðal kynningatæki frambjóðenda) er að nýtast.

Einn frambjóðandi hefur orðið á vegi mínum á Laugaveginum með sitt kynningarefni og nokkra kvenframbjóðendur hitti ég í Ráðhúsinu í vikunni.

Hef eitt drjúgum tíma í það að reyna að ná utanum allt heila klabbið, á vefmiðlum ... en það er samt svo undarlegt, að einhvern vegin hefur maður tilfinningu fyrir óáþreyfanleik og tómarúmi.

Settist með vinafólki í vikunni til að fara sameiginlega yfir kynningarblaðið góða... en eins og flestir þá gáfumst við upp öðru hvoru inn á milli.... og var mikið andvarpað yfir þessu vali, sérlega þegar um mjög samviskusamt fólk er að ræða, sem dettur ekki annað í hug en að nota sinn dýrmæta kosningarétt og vill sannarlega komast hjá því að gera afdrifarík mistök.

.... "get ekki fyrirgefið mér að kjósa svo einhverja vitleysu..." varð einni að orði.

Hætt er við að valið verði á endanum handahófskennt og því miður ekki undarlegt að sumir hreinlega gefist upp.

- 70% kosningaþátttaka er þó meira en mátti heyra fyrir viku. -

Mun þessi tilraun til persónukjörs vonandi gefa vísbendingar um hvort slíkt form sé að öllu leyti heppilegt eitt og sér.

... Verð að játa að ég maður varð hálfskömmustulegur yfir fréttunum í kvöld við það eitt að heyra að  hver skanni... til að skanna kjörseðil (sem nota bene, verður að skrifa fast á svo skannin geti lesið) ... kostar 5 miljónir.