Egill Helgason tekur Jón Ásgeir í karphúsið.

Það verður nú að gefa Jóni Ásgeiri prik fyrir að mæta og láta sjá sig yfir höfuð. Vonandi áttar hann sig samt einn góðan veðurdag á því, að það er ekki bara í "hausnum" á Agli , sú skoðun að "viðskiptaaðlinum okkar" hafi tekist að koma þjóðinni í þá stöðu sem hún nú er í. Manni finnst líka skrítið að enginn skuli hafa séð þetta fyrir, sem er að gerast á heimsvísu, nú eru þessir  menn á kafi í viðskiptaveröldinni sjálfri. Hins vegar gátu margir utanaðkomandi sérfræðingar séð þetta en skollaeyrum var skellt við.

Það væri óðs manns æði að halda því fram að einhver hafi gert eitthvað svo skaðlegt sem nú hefur átt sér stað ,viljandi. Hitt er annað að auðvitað ættu allir þeir "stóru", sem enn eiga eignir erlendis, að sameinast og koma hingað, selja eigur sínar og hjálpa til. Ekki spurning. Sýna hvað raunverulega í þeim býr... eða vonandi býr þar eitthvað. Við erum öll íslendingar ennþá og það þýðir ekkert að vera að státa sig af því að vera íslendingur þegar vel gengur en hverfa svo með hausinn í sandinn ef illa fer. Upp úr holunum og á árarnar...

Guð minn góður hvað maður finnur til með þessu fólki sem sér ævisparnaðinn horfinn. Las grein í DV, um 77 ára gamlan mann sem grét í fangi dóttur sinnar. Þetta er ekki hægt.

Þakka Agli fyrir þáttin og Jóhönnu Sigurðardóttur fyrir skýra sýn á málin, einbeittan vilja til að aðstoða og gera það sem rétt er í stöðunni.

Lifi Ísland.

Athugasemdir

[Sigrún Vala Valgeirsdóttir, 12.10.2008 kl. 15:05]

Jú, jú ég er sammála þér að því leyti að Agli var heitt í hamsi, en hann breytti sér, vitandi eða óafvitandi... í "rödd þjóðarinnar", þannig lagað séð. Við vitum öll að þetta er sá andi sem nú svífur yfir vötnum. Til að geta sameinast, þurfum við óvin... en óvinurinn er á reiki. Sumir segja þessi, aðrir segja hinn... Davíð, Útrásarvíkingar,Gordon Brown, við öll osfrv.

Mér dettur ekki í hug sjálfri að hægt sé að kenna einhverjum einum um, því miður kannski, það væri auðveldara.

En allir og þá meina ég ALLIR, verða að taka ábyrgð. Smárir, sem stórir...breyttir sem óbreyttir.

Lifið heil

[Íris Valgeirsdóttir (IP-tala skráð) 20.10.2008 kl. 14:54]

Gaman að sjá þig í bloggheimi aftur. Alltaf gaman að lesa vangaveltur þínar um lífið og tilveruna. Sjáumst sem fyrst

Kv. Íris